Уыцы рæстæгмæ кæд бирæ ивддзинæдтæ æрцыд, уæддæр æнæивгæ баззад иу хъуыддаг – газет йæ куыст сæйрагдæр адæмæн кæй кæны, уый
Газет «Дигорæ» бæрæг кæны йе 30 азы юбилей. Уыцы рæстæгмæ кæд бирæ ивддзинæдтæ æрцыд, уæддæр æнæивгæ баззад иу хъуыддаг – газет йæ куыст сæйрагдæр адæмæн кæй кæны, уый. Фæстаг хабæрттæ æмæ циндзинады хъуыддæгтæ газеты руаджы базонынц нæ республикæйы мин цæрæгæй фылдæр. «Дигорæ»-йы царды тыххæй бæстондæр радзурдзæн Тъехты Элинæ.
Колыты Виталий 30 азы размæ цы цымыдисимæ каст газет «Дигорæ»-йы хабæрттæ, афтæ сæ кæсы ныр дæр. У, нæ республикæйы дыгурон æвзагыл газет мыхуыр кæныны хъæппæрис кæмæ фæзынд, уыдонæй иу. Газет «Дигорæ»-йы Виталий кусы 25 азæй фылдæр. Куыд зæгъы, афтæмæй мыхуыр кæныны размæ уал æрмæг ныффыссы къухæй.
Алы газетыл дæр кусынц дæсны уацхæсджытæ. Йе рмæг кæддæриддæр уыд цымыдисаг, уымæн æмæ дзы вæййы алыхуызон темæтæ. Хекъилаты Маринæ рауагъдадмæ æрбацыд 18 азы размæ, фæлæ йæ дæсныйадмæ уарзондинады æнкъарæнтæ ныр дæр ма ахæм тыхджын сты. Йæ куысты сæйрагдæр темæ сси – республикæйы спортивон цаутæ мадæлон æвзагыл фыссын.
Уарзы йæ куыст зындгонд уацхæссæг Сакъиты Эльбрус дæр. 2005-æм азæй фæстæмæ у рауагъдады сæргълæууæг. Куыд зæгъы, афтæмæй алы ног номыры равдисынц зындгонд адæмы, ныффыссынц фæсивæды æнтыстдзинæдты тыххæй æмæ афтæ дарддæр. Газет адæмы зæрдæмæ цæуы канд йæ актуалон æрмæджыты тыххæй нæ, фæлæ ма йæ ныррыккон æртæхуызон хуызы тыххæй дæр. Адæмимæ бастдзинад æмæ газеткæсджыты аргъ – уый у сæйрагдæр «Дигорæ»-йы кусджытæн.
Социалон хызты рæстæг рауагъдадæн æнцон нæу, фæлæ газет «Дигорæ» у адæмы уарзондæртæй иу. Йæ тираж – иу мин экземпляры онг. Рауагъдады кусджытæ фæнд кæнынц дарддæр дæр мадæлон æвзаджы райрæзтыл кусын æмæ йæ парахат кæнын.
