Нал куыстой йæ уыргтæ æмæ игæр. Ныртæккæ лæппуйы дзæбæх кæнынц Испанийы дохтыртæ. Цæмæй йæ уыргтæ кусой, уый тыххæй йын алы бон дæр йæ хо 10 сахатæй фылдæр, кæны гемодиализы процедурæтæ.
Нал куыстой йæ уыргтæ æмæ игæр. Ныртæккæ лæппуйы дзæбæх кæнынц Испанийы дохтыртæ. Цæмæй йæ уыргтæ кусой, уый тыххæй йын алы бон дæр йæ хо 10 сахатæй фылдæр, кæны гемодиализы процедурæтæ. 10 милуан сомы аргъ медицинон препарат сын балæвар кодта Испанийы хицауад. Низ парахат кæй кæны, уымæ гæсгæ Георгийæн цыбыр рæстæгмæ хъæуы операци скæнын, йæ аргъ у 240 мин евройы, уый Уæрæсейаг æхцатæй у 10 милуан сомы. Бинонтæ сæ исбон уæй кæнынц, фæлæ уыцы фæрæзтæ фаг нæ уыдзысты. Хæрзаудæн фонд «Быть добру», бинонты тыхст куы бамбæрстой, уæд интернет сайты равæрдтой информаци, бæлвырдæй дзы амонынц, Годжысаты Георгийæн цы хуызы ис баххуыс кæнын, уый. Сарæзтой волонтерты къордтæ дæр, уыдон горæты уынгты æрцауыгътой æххуысы фыстæджытæ. Коммерцион æмæ æндæр организациты æхца æмбырд кæнынæн сæвæрдтой сæрмагонд къоппытæ. Лæппуйæн йæ низ бонæй бонмæ тыхджындæр кæй кæны, уымæ гæсгæ фæстиат кæнæн нæй. Æхца ис арвитæн телефоны, электрон чыссæ æмæ банчы хыгъдмæ.
