Лæппутимæ æмæ чызджытимæ аныхас кодтой ахуырады æмæ наукæйы министр Алыбекты Эллæ стæй конкурс «Педагогон дебют»-ы уæлахиздзау Багаты Ибрагим
Гимназ «Диалоджы» ацыд бинарон урок информатикæйæ æмæ историйæ. Лæппутимæ æмæ чызджытимæ аныхас кодтой ахуырады æмæ наукæйы министр Алыбекты Эллæ стæй конкурс «Педагогон дебют»-ы ивгъуыд азы уæлахиздзау Багаты Ибрагим. Гом урок æххæст кæнгæйæ, ныхас цыд уæрæсейаг IT-индустрийыл, Советон Цæдисы ахуыргæндтæ дунеон информацион технологиты къабазмæ цы æвæрæн бахастой, ууыл. Стыр æргом ма аздæхтой, ныртæккæ нæ бæстæйы цавæр къæпхæны сты, ууыл. Скъоладзаутæн фадат уыд сæ фæрстытæ раттынæн. Ахæм хуызы куыст хорзырдæм ахады рæзгæ фæлтæры ахуырадыл. Ахæм мадзæлтты фæрцы скъоладзаутæ фæархайынц алыхуызон конкурсты. Стæй ма сын æххуыс сты профориентацион куысты.
