Фæсивæд сæ куыстытæн темæтæ равзæрстой сæхæдæг
Гимназ «Диалог»-ы арæзт æрцыд скъоладзауты проекттæ бахъахъхъæныны куыст. Фæсивæд сæ куыстытæн темæтæ равзæрстой сæхæдæг. Фæлæ уыд иу домæн – проект хъуамæ уа пайдахæссæг. Афтæ скъоладзаутæ бацæттæ кодтой уæлæмхасæн программæтæ, хъазты хуызы ирон æвзаг ахуыр кæнынæн. Фидæны профессионалтæ нысан кæнынц мадæлон æвзагыл хъæзтыты портал саразын. Бæлвырддæр радзурдзæн Фидараты Маринæ.
Ацы фæсивæд цæуыл бакуыстой, уыцы темæтæ се мгæртты хсæн тынг парахат не сты. Сæбанты Виктор, Дзиуаты Марат æмæ Кадиты Дэвид архайынц программæтæ аразыны аивад лæмбынæгдæр базоныныл, æмæ сын æнтысгæ дæр кæны. Алкæцы дæр сæ архайы уæлæмхасæн программæ саразыныл. Уый фæрцы та хъазты хуызы хуыздæр базонæн ис ирон æвзаг. Иу ахæм тренажер саразыныл бакуыста Сæбанты Виктор.
Хъазтæй æнцондæр та ма цы уа. Зæгъæм, хъæуы цæрæгойы гæххæттын сурæт сæмбрыд кæнын. Дзиуаты Марат уыцы хæс фæзындæр кодта. Сурæт сæмбырд кæнын хъæуы, ирон æвзагыл фæрстытæн дзуапп дæтгæйæ. Мараты хъæппæрисмæ гæсгæ хъазты фыццаг сæхи бафæлвæрдтой скъоладзаутæ. Уæлæмхасæн æфтуан сын æххуыс кæны дзырдтæ хуыздæр бахъуыды кæнынæн.
Программæтæ аразыны æвзагыл дзуры Кадиты Дэвид дæр. Уый бакуыста сæрмагонд программæйыл ирон дзырдбыдтæ аразынæн. Хъæппæрис дæр царды уадзын райдыдта йæхæдæг. Йæ ныхæстæм гæсгæ, хъазты уылты æнцондæр у стыр проектты бацархайын.
Цымыдисаг æмæ ахуырадон хъæзтытæ аразынæн лæппутæн баххус кодтой, IT-кубы цы зонындзинæдтæ райстой, уыдон. Кусы, национ проект «Ахуырад»-ы фæлгæты. Арф зонындзинæдтæ фæсивæдæн амоны сæ разамонæг Мария Макаренко. Базонын сын кæны нымæцон ахуырады сусæгдзинæдтæ.
Уæвгæ, фæсивæд ууыл æрлæууынмæ нæ хъавынц. Фæнд кæнынц ирон æвзагыл хъæзтыты портал саразын. Уыцы нысанмæ цæуынц уæндон къахдзæфтæй.
