Математикон дисциплинæтæм цымыдисдзинад гуырын кæнын, олимпиадæтæм цæттæ кæнын æмæ иртасæн куыстмæ разæнгард кæнын
Гимназ «Диалог»-ы байгом бæлвырд наукæты сæрдыгон скъола. Математикон дисциплинæтæм цымыдисдзинад гуырын кæнын, олимпиадæтæм цæттæ кæнын æмæ иртасæн куыстмæ разæнгард кæнын. Ахæм хæс сæвæрдтой сæ размæ скъола саразджытæ. Ахуырадон фæзы æрæмбырд сты 5-æй – 10-æм кълæсты ахуырдзаутæ. Наукон-популярон лекцитæ сын кæсдзысты уæрæсейаг ахуыргæндтæ Мæскуыйæ, Адыгейæ æмæ Цæгат Ирыстонæй.
Ахуыры аз ныридæгæн нæма райдыдта, фæлæ Аристарх Игнатьеван улæфты рæстæг нæ вæййы. Программæтæ аразыныл чи кусы, уыдон хъæуы æппæыныдзух сæ фæлтæрддзинадыл архайын. Лæппу æвдæм къласмæ бацыд Хуссар федералон университеты ахуырадон наукон центрмæ. Фæнды йæ биноныгæй базонын информатикæйы сусæгдзинæдтæ. Ардæм та цыппæрæм аз æрбацæуы Ростовæй зонындзинæдтæ ныффидар кæныны нысанимæ.
Лæппу у алыхуызон олимпиадæты уæлахиздзау. Фехууыс ын сты Уæрæсейы Наукæты Академийы дзæуджыхъæуккаг центры математикон иртæстыты программæтæ. Уæвгæ сæрдыгон скъолаты фæлгæты бирæ сывæллæттæн бантыст æцæг нæукæтæ арфдæр базонын. Сæхи фæлварынц математикæ æмæ иинформатикæйæ, цæмæй сын фидæны æнцондæр архайæн уа скъолаты ерысты. Семæ кусынц куыд ирыстойнаг специалисттæ, афтæ æндæр регионтæй хуынд ахуыргæндтæ дæр.
Сергей Бойченко æрбацыд Майкопæй. Кусы Адыгейы паддзахадон университеты. Специалист фыццаг хатт нæ кусы Цæгат Ирыстоны фæсивæдимæ. Йæ ныхæстæм гæсгæ – бынæттон лæппутæ æмæ чызджытæ зæрдиагæй исынц, цы æрмæг сын лæвæрд цæуы, уый. Сæйрагдæр у сæ нысан сын бамбарын.
Сæрдыгон скъола тынг хорз фæрæз у, йæ фидæн бæлвырд наукæтимæ сбæттын кæй фæнды, уыдонæн. Ардæм æрбахауынц хуыздæртæ. Иртæст æрцæуынц сæрмагонд конкурсы хатдзæгтæм гæсгæ.
Мадзал саразджыты уырны, ацы скъолайы чи бацархайдта, уыдоны бон æнцонтæй кæй суыдзæн алы æмвæзады ерысты æмæ конкурсты архайын. Уый та сын ратдзæн фадат, фидæны уæлдæр ахуырад райсынмæ бацæуын сæ бон кæй уыдзæн цы ахуыргæнæндон сæ бафæнда, уырдæм. Уæвгæ бæлвырд наукæтæ зонын никуы ма нæикæй бахъыгдардта.
