филиал вгтрк государственная телерадиовещательная компания “Алания”

Абон авд сахатыл Цæгат Ирыстоны Оперативон штабы разамонæджы уынаффæмæ гæсгæ Горæтгæрон районы хъæу Тарскæйы, æмæ йæм хæстæг хъæдты конд æрцыд контртеррористон операцийы фæтк. Йæ нысан у – фыдгæнджыты къордтæ сбæрæг кæнын, æмæ нæ республикæйы террористон акттæ не руадзын. Федералон закъонмæ гæсгæ, Тарскæмæ чи цæуа, уыдонæн кæсдзысты сæ паспорттæм, дзаумæттæм æмæ машинæтæм. Уымæ гæсгæ сидынц адæммæ, цæмæй ма стыхсой, æмæ барадхъахъхъæнджыты куыст ма къуылымпы кæной. Ацы уавæры тыххæй бæлвырддæр хъусынгæнинаг уыдзæн нæ дарддæры программæты.