филиал вгтрк государственная телерадиовещательная компания “Алания”

Горæты фæлгонцтæ Ульяна Гончаровайы цæстæнгасæй. Æрыгон нывгæнæджы персоналон равдыст байгом Дзæуджыхъæуы музыкалон библиотекæйы. Равдыст «Горæт хæхты хъæбысы»-йы ис 30 куыстæйы фылдæр. Æмæ кæд нывгæнæг æрыгон у, уæддæр йæ дæсны къухавæрд бæрæг у. Нывгæнæг йæхи бафæлвæрдта кинойы, ис ын реставрацион куыстытæ дæр. Аивад иртасджытæ куыд зæгъынц, афтæмæй йæ куыстыты спайда кодта алыхуызон ахорæнтæй æмæ уымæй йе сфæлдыстад хицæн кæны. Куыстыты ирдæй æвдыст æрцыдысты куыд горæты историон бынæттæ, афтæ нырыккон Дзæуджыхъæу дæр. Ульяна Гончарова йæхæдæг куыд загъта, афтæмæй ахæм рæсугъддзинадæн æнæфенгæ нæй, уæлдайдæр та нывгæнæг куы уай, уæд.

Дзбойты Михал, скульптор: «Диссаджы рæсугъд куыстытæ сты, сæ иуæй иннæ диссагдæр, цыдæриддæр æмбæлы уацмысы – композицийæ, хуызæй гаммæйæ, алцыдæр».