филиал вгтрк государственная телерадиовещательная компания “Алания”

Йæ автор у Гæгкуыты Зæлинæ. Йæ куысты радзырдта йæ мыггаджы историйы тыххæй, йæ равзæрдæй абоны онг. Чиныгмæ хаст æрцыдысты Гæгкуыты ирддæр минæвæртты тыххæй радзырдтæ, мыггаджы тыххæй таурæгътæ, стæй телефонтæ æмæ адристæ. Бæстон ныхас дзы цæуы Фыдыбæстæйы Стыр хæсты архайджыты тыххæй. Гæгкуытæй фронтмæ чи ацыд, уыдонæн сæ фылдæр фæстæмæ нал сыздæхтысты. Уымæ гæсгæ абон нымад у чысыл мыггагыл – 38 бинонтæ. Зæлинæ чиныгыл куыста 7 азы бæрц. Пайда кодта архивты æрмæджытæй, ныхас кодта мыггаджы хистæртимæ, информаци æмбырд кодта Гæгкуыты райгуырæн хъæу Махческы дæр. Чиныджы тираж у 200 экземпляры.

Гæгкуыты Зæлинæ, чиныджы автор: «Ахуыр куы кодтам, уæд нын ахуыргæнæг Бзарты Руслан бахæс кодта, цæмæй алчидæр йæ мыггаджы тыххæй радзура. мæн куы бафарста, уæд æз нæ зыдтон мæ мыггаджы равзæрд. Худинаг мæм фæкаст. Сфæнд кодтон, мæ мыггаджы истори сбæрæг кæнын. мæнмæ гæсгæ хъуамæ алы адæймаг дæр йæ мыггаджы истори зона иттæг хорз».