Ацы цаумæ æхсызгонæй æнхъæлмæ кастысты куыд сабитæ сæхæдæг, афтæ сæ ныййарджытæ æмæ педагогтæ дæр
Горæтгæрон районы байгом кодтой 2 ног рæвдауæндоны. Ацы цаумæ æхсызгонæй æнхъæлмæ кастысты куыд сабитæ сæхæдæг, афтæ сæ ныййарджытæ æмæ педагогтæ дæр. Кадджын мадзалмæ хуынд æрцыдысты Цæгат Ирыстоны хицауады сæрдар Дзанайты Барис, стæй ахуырады æмæ наукæйы министр Алыбекты Эллæ. Рæвдауæндон сарæзтой цыбыр æмгъуыдмæ. Уыимæ æппæт нырыккон домæнтæ хынцгæйæ. Ис 120 бынаты. æдæппæтæй 5 кары къорды, 2 азæй 7 азы онг сывæллæттæн. Бæстыхайы ис хъазæн æмæ хуыссæн уæттæ, музыкалон æмæ спортивон залтæ. Рæвдауæндон ифтонг у хъæугæ кусæнгæрзтæй æмæ дзуапп дæтты нырыккон домæнтæн. Проект æххæст кæнгæйæ ма саив кодтой алфамбылай территоритæ дæр. Новыйы хъæуы рæвдауæндон уæвгæ дæр никуы уыд. Педагогтæ æмæ хъомылгæнджытæ æхсызгонæй зонгæ кæнынц сæ ног куысты бынæттимæ. Абон суазæг кæндзысты фыццаг сабиты. Ног рæвдауæндæттæ Горæтгæрон районы арæзт æрцыдысты, национ проект «Демографи» æххæст кæнгæйæ. Ацы азы кæронмæ ма байгом уыдзæн ноджыдæр 3 объекты. Дыууæ Дзæуджыхъæуы, æмæ иу Хъызлары.
