Ис дзы æппæт уавæртæ æмæ фадæттæ хæрзхъæд медицинон лæггæдтæ кæнынæн. Бонмæ дзы лæггад кæндзысты 100 адæймагæн.
Горæтгæрон районы хъæу Сунжæйы байгом кодтой ног амбулатори.
Ис дзы æппæт уавæртæ æмæ фадæттæ хæрзхъæд медицинон лæггæдтæ кæнынæн. Бонмæ дзы лæггад кæндзысты 100 адæймагæн. Амбулаторийы байгом кæныны кадджын мадзалмæ æрбахуыдтой Цæгат Ирыстоны сæргълæууæг Битарты Вячеславы, хицауады сæрдары хæдивæг Икъаты Русланбеджы æмæ æндæр бæрнон кусджыты. Медицинон объекты арæзтад цыди паддзахадон программæ «Æнæниздзинадхъахъхъæнынады рæзт» æххæст кæнгæйæ. Фæрæзтæ йын радих кодтой Уæрæсейы Хицауады резервон фондæй. Амбулатори лæггад кæндзæн канд Сунжæйы нæ, фæлæ ма Комгæроны цæрджытæн дæр. Æдæппæтæй сты 15 мин адæймаджы. Битарты Вячеслав йæ арфæйы куыд загъта, афтæмæй Горæтгæрон районы фæстаг ног объект нæу. Ныртæккæ ма цæуы фельдшерон-акушерон пункты æмæ дыууæ амбулаторийы арæзтад. Хæстæгдæр рæстæг эксплуатацийы ратдзысты сывæллæтты ног рæвдауæндон дæр.
