Ныр Хъобаны, Донгæроны æмæ Куырттаты цæрджытæн сæ бон уыдзæн, фыццаг чи бахъæуы, ахæм хостæ сæ хæдзæртты раз балхæнын
Горæтгæрон районы хъæуты байгом кодтой, медикаменттæ балхæнын кæм ис, ахæм пункттæ. Ныр Хъобаны, Донгæроны æмæ Куырттаты цæрджытæн сæ бон уыдзæн, фыццаг чи бахъæуы, ахæм хостæ сæ хæдзæртты раз балхæнын. Афтектæ æрбынат кодтой хъæуты фельшерон-акушерон пунктты. Ацы 3 афтечы, гом кæнын кæй нысан кодтой, уыдонæй фæстæгтæ сты. Æдæппæтæй та республикæйы хостæ балхæнын кæм ис, ахæм пункттæ фæзынд 51 хъæуы. Се *хсæн дæрддзæф æмæ хохаг хъæутæ дæр.
Хъуыссæты Индирæ, Куырттаты афтечы сæргълæууæг: «Цы æмбæлы, уыцы хостæ нам уал сты. Бирæ не сты нырма. Æнхъæлмæ кæсæм скъæппытæм, ноджыдæр ма нын хостæ хъуамæ раттой. Адæмæн тынг æхсызгон у ацы хъуыддаг. Хæстæгдæр сын у, афтекмæ сæ районмæ цæуын нæ хъæуы. Уымæй сын хуыздæр уыдзæн».
