1000 гектары онг ныссагътой мæнæу æмæ хъæбæрхор
Горæтгæрон районы кæронмæ фæхæццæ кæны фæззыгæндтæ æфснайыны рæстæг. 1000 гектары онг ныссагътой мæнæу æмæ хъæбæрхор. Аграрон кусжытæ куыд зæгъынц, афтæмæй ацы аз исынц хъæздыг тыллæг. Боныхъæд сæ нæ бахъыгдардта. Районы фылдæр сты уалдзыгæндтæ. Фæлæ уыдоныл уарынтæ æмæ хурбонтæ æвзæрырдæм ахадынц. Фæззыгæндтæ та тауын райдайдзысты сентябры кæрон. Хъайтмазты Дзерассæйæн ныхасы бар.
Фыдæлты ахуыртæй абон дæр пайда кæнынц. Аграритæ куыд зæгъынц, афтæмæй алкæддæр кусынц. Горæтгæрон районы ацы колхозы иуазон культурæтæ æфснайыны рæстæг йæ тæмæны ис. Комбайнтæ гектаргай исынц мæнæу. Ацы сезоны фæззыгæндтæ байтыдтой 300 гектары бæрц, 500-йы онг та – уалдзыгæндтæ.
Аграритæ куыд зæгъынц, афтæмæй мæнæуыл боныхъæд нæ фæзынд. Ацы аз хъæууонхæдзарадон кооперативы тыллæг фаронæй фылдæр ис. Бонмæ 2 комбайны бакусынц 40 гектарыл, уымæ гæсгæ хæстæгдæр бонты фæззыгæндтæ æфснайд фæуыдзысты. Хи æфснайæн техникæ колхозы нæй, баххуырсынц рæстæгмæ куыстытæн. Тауынæн та хæдзарады ис æппæт хъæугæ техникон фæрæзтæ.
Горæтгæрон районы фæззыгæндтæ æфснайынц къуырийы бæрц. Ацы аз байтыдтой мæнæуы æмæ хъæбæрхоры мин гектары. Уыимæ хъæууонхæдзарадон фæзуаты фылдæр хай муниципалон сконды ахсынц уалдзыгæндтæ, уыдонæй фыццаг бынаты ис натрхор – 15 мины æмæ *рдæг гектары бæрц, мин æмæ рдæг гектары байтыдтой хурмæзилæг, 800 гектары ахсы сойæ. Уыдон сты сæйраг культурæтæ.
Уалдзыгæндтæ районы æфснайын райдайдзысты ноябры. Уый размæйы тауæн рæстæджы тауæн æрмæгæй æмæ хъацæнтæй æххæст уыдысты. Афтæ уыдзæн ацы хатт дæр, зæгъынц специалисттæ. Фæззыгæндтæ тауынмæ зæхкусджытæ бавналдзысты сентябры кæрон.
