7 мин гектары фæзуаты æмбырд кæнынц уалдзыгæндтæ. Уыдонæй 15 гектары сты нартхоры быдыртæ
Горæтгæрон районы кæронмæ фæхæццæ кæнынц тыллæг æфснайæн куыстытæ. 17 мин гектары фæзуаты æмбырд кæнынц уалдзыгæндтæ. Уыдонæй 15 гектары сты нартхоры быдыртæ. Аграрон кусджытæ зæгъынц, ацы аз сæ тынг бахъыгдардта боныхъæд. Куыд цæуынц æфснайæн куыстытæ, уый тыххæй радзурдзæн Чехойты Фатимæ.
Горæтгæрон районы кæронмæ фæхæццæ кæнынц тыллæг æфснайæн куыстытæ. Зæхкусджытæн ацы аз сæ тыллæг къаддæр у, цæмæ æнхъæлмæ кастысты, уымæй. Уый аххосаг – боныхъæд. Кæд фарон иу гектарæй систой 75 центнеры, уæд ныр та – 50 центнеры.
Джыккайты Владимир у хъæууонхæдзарадон куыстуаты хицау. 413 гектары фæзуатæй ма æфснайынаг баззад 30. Цы нартхор æркарстой, уый раздæр бахус кæндзысты, уый фæстæ йæ кæндзысты уæй.
Горæтгæрон районы уалдзыгæндтæ ахсынц 17 мин гектары, уыдонæй 15 – нартхор нæмыгæн. Стырдæр куыстуæттæн се *фснайæн куыстытæ раджы фесты. Иннæтæ æнхъæлмæ кастысты, тæхникæ кæд суæгъд уыдзæн, уымæ. Быдырты фылдæр кусынц Краснодары крайæ æмæ Кæсæг-Балхъарæй арендæйы кæй райстой, ахæм комбайнтæ. Ныридæгæн æфснайд æрцыдысты 14 гектары, бакусинхъуаг ма сты 800 гектары.
Республикæйы уалдзыгæндты 115 мин гектарæй бафснайдтой 105 мин гектары. Ацы аз æппæт районты зæхкусджыты тыллæг къаддæр у. 20 мин гектарыл æвзартæ нæ фæрæстмæ сты. Æфснайæн куыстытæ цы фæзуатыл фесты, уыдон райдыдтой ног азмæ цæттæ кæнын. Уалдзæджы фæстаг мæйы та, 10 майы онг, райдайдзысты культурæтæ садзын.
