Сæ презентацитæ бацæттæ кодтой 8 æнæкоммерцион организацийы
Граждайнаг форум æххæст кæнгæйæ, сбæрæг кодтой æнæкоммерцион организациты хуыздæр проекттæ. Сæ презентацитæ бацæттæ кодтой 8 æнæкоммерцион организацийы. Æппæт хъæппæристæ царды уадзынц социалон къабазы. Специалисттæ куыд зæгъынц, афтæмæй ма форум у егъау ахуырадон фæз. Мадзалы фыццаг бон йæ архайджытæн фадат уыд алы эксперттимæ аныхас кæнынæн. Се хсæн – федералон æмæ регионалон. Ирыстонмæ ссыдысты Адæмон хæдзарады æмæ паддзахадон службæйы Уæрæсейы академийы цæгаткавказаг филиалы минæвæрттæ. Форумы архайджытæ аргъ скодтой ахæм ахсджиаг куыстæн. Уымæн æмæ сын канд сæ проекттыл аныхас кæныны фадат нæ уыд, фæлæ ма сæ фæрстытæн дзуæппытæ райсын дæр. Уæ зæрдыл уын æрлæууын кæндзыстæм, Граждайнаг форум нæ республикæйы цæуы ныр дыккаг аз фæд-фæдыл.
Экономикон рæзты министрад уыд мадзал саразджытæй иу. Ведомствойы номæй ма арфæйы фыстæджытæ радтой, 2021-æм азы куысты хорз бæрæггæнæнтæ чи равдыста, уыцы æнæкоммерцион организацитæн. Уыдон сты 25 организацийы æмæ сæ партнертæ. Министрады специалистты хъуыдымæ гæсгæ куыст цыди алывæрсыг. Æххуыс кодтой бирæсывæллонджын бинонтæн, инвалидтæн, рынчын сывæллæттæн æмæ бирæ æндæртæн. Экономикон рæзты министрад æнгом æмгуыстад кæны республикæйы æнæкоммерцион организацитимæ, æмæ сын кæны ахадгæ æххуыс.
