Сергей Меняйло профилон ведомтсвæтæн бахæс кодта, уавæрæн мониторинг кæнын æмæ афоныл уынаффæтæ хæссын
21 скъола æмæ 13 рæвдауæндоны абоны онг карантины æхгæд æрцыдысты Цæгат Ирыстоны. Ивгъуыд къуырийы кæрон та ма сæхгæдтой ноджыдæр цалдæр ахуыргæнæндоны. Уый тыххæй аппаратон æмбырды фехъусын кодта республикæйы ахуырады æмæ наукæйы министр Алыбекты Эллæ. Куыд фæнысан кодта, афтæмæй се ппæт ахуыргæнæндæттæ сæхгæныныл ныхас нæ цæуы. Сæ куысты процесс баурæдтой иумæйаг нымæцы 16%. Бахъуаджы рæстæг та скъолатæ æмæ рæвдауæндæттæ раивдзысты дистанцион ахуырады фæткмæ. Фæлхасадмæ цæстдарды управленийы минæвæрттæ куыд фехъусын кодтой, афтæмæй грипп æмæ æндæр хæцгæ низтæй рынчын адæмы нымæц ивгъуыд къуырийы фæкъаддæр. Сергей Меняйло профилон ведомтсвæтæн бахæс кодта, уавæрæн мониторинг кæнын æмæ афоныл уынаффæтæ хæссын. Уымæй уæлдай ма республикæйы Сæргълæууæг фехъусын кодта, физкультурæ æмæ спорты министрад, стæй фæсивæды хъуыддæгты фæдыл комитет баиу кæныны хъæппæрисы тыххæй. Æмбырды ныхас цыди ахуыргæнæндæтты зынгсирвæзтыты фарста снывыл кæныны хъуыддагыл дæр. Сергей Меняйло районты сæргълæуджытæн бахæс кодта, се ппæт иумæйагахуырадон æмæ скъолайы размæ ахуыргæнæндæтты организацитæ хъусынгæнæн системæйæ баххæст кæнын
