Архайдтой дзы 260 фыссæгæй фылдæр Уæрæсейæ, Белоруссийæ, Сомихæй, Казахстанæй, Израилæй, Польшæйæ æмæ Латвийæ
Не мкусæг, телерадиокомпани «Алани»-йы режиссер Артур Омаров сси Æппæтадæмон литературон конкрус «Прыжок над бездной»-ы фыццæгæм къæпхæны æмæ премийы лауреат. Конкурс арзт æрцыд Калининграды. Аивадон ерыс хуымæтæг æмæ æнцон нæ уыд. Архайдтой дзы 260 фыссæгæй фылдæр Уæрæсейæ, Белоруссийæ, Сомихæй, Казахстанæй, Израилæй, Польшæйæ æмæ Латвийæ. Сæ куыстытæ йæм бахастой куыд æрыгон æмæ курдиатджын, афтæ фæлтæрдджын автортæ дæр. Артур Омаров ныффыста сценаритæ цыбырметражон кинонывтæн, фæлæ йæхи фæлвары литературæйы дæр. Бæлвырддæр хабæрттæ радзурдзæн Фидараты Маринæ.
Артур Омаровæн йæ литературон архайд райдыдта 3 азы размæ. Уый размæ бирæ рæстæг кодта режиссеры куыст, фыста сценаритæ, фæлæ йæ фæндыди йе ргом литературæмæ аздахын. Фыццаг радзырд Артур ныммыхуыр кодта журнал «Дарьял»-ы. Йæ зæрдæмæ фæцыд, æмæ дарддæр сфæнд кодта ацы къабазы архайын. Артур Омаров фыссы фантастикæйы жанры. Йæ зæрдæмæ йæ хæстæг айста.
Йæ дыккаг радзырд «Все сезоны не вышедших сериалов» Артур арвыста æппæтадæмон конкурсмæ «Прыжок над бездной», цыди Калининграды. Сæйраг хъайтар – æрыгон чызг, йæ фæсном “Минутка”. Цæуы æдзæрæг ран æмæ æмбæлы æнæзонгæ адæймагыл. Райдыдтой ныхас кæнын. Фæстæдæр райдыдтой цæуын цымыдисаг хабæрттæ.
Артуры куыстæн бæрнон жюрийы уæнгтæ скодтой бæрзонд аргъ, афтæмæй конкурсы бацахста фыццаг бынат. Æппæтадæмон литературон конкурс «Прыжок над бездной» арæзт æрцыд æртыккаг хатт. Баст у фыссæг Сергей Снеговы литературон бынтимæ. Конкурсмæ куыстытæ æвзæрстой мæй æмæ рдæг. Архайдтой дзы 260 фыссæгæй фылдæр Уæрæсейæ, Белоруссийæ, Сомихæй, Казахстанæй, Израилæй, Польшæйæ æмæ Латвийæ.
Артур Омаровмæ нырма бирæ фæндтæ ис. Фыццаджыдæр – фыссын æмæ мыхуыр кæнын. 2025-æм азы уал нысан кæны мыхуыры йæ радзырдты æмбырдгонд рауадзын.
