филиал вгтрк государственная телерадиовещательная компания “Алания”

19:18 вторник, 19 августа 2025
02 июля 2014, 11:24
Хæдзаарон дзæгъæл цæрæгойтæн æххуысы фонд сарæзта хæрзаудæн акци

Горæты супермаркетты сæвæрдта сæрмагонд контейнертæ. Сырдтæн баххуыс кæнын кæй фæнды, уыдонæн уым сæ бон у кæнæ хойрæгтæ сæвæрын, кæнæ æхца. Ацы хъуыддагмæ йе `ргом чи

73234
Горæты супермаркетты сæвæрдта сæрмагонд контейнертæ. Сырдтæн баххуыс кæнын кæй фæнды, уыдонæн уым сæ бон у кæнæ хойрæгтæ сæвæрын, кæнæ æхца. Ацы хъуыддагмæ йе `ргом чи раздæхта, уыдоны нымæц иу къуыримæ чысыл нæ разынд.

Зонгæ чызджыты уындæй Чарли бахъæлдзæг вæййы. Куыдзы декабры машинæ скъуырдта. Ссардтой йæ дзæгъæл цæрæгойтæн æххуысы фонды волонтертæ. Дохтырмæ йæ баластой, фæлæ сын уый стыр ныфсытæ нæ бавæрдта. Чарлийæн йæ астæуыхъæд у хъыгдард. Уымæ гæсгæ йæ фæстаг къæхтæ нæ кусынц. Ахæм куыдзæн хицау ссарын æнцон нæу. Хъæуы йæм æдзухдæр зилын. Фæлæ йыл уæддæр волонтертæ сæ зæрдæ нæ сивтой. Куы иутæм ацæры, куы иннæтæм.

Моргуаты Мæдинæ, волонтер: «Ис иу сылгоймаг. Цæры горæт Орскы. Фæнды йæ Чарлийы райсын. Фæлæ йын хъæуы коляскæ, фæндаггаг. Уыдон зынаргъ уыдзысты. Кæд æхца ссарæм, уæд æй арвитдзыстæм».

Дзæгъæл цæрæгойтæн æххуысы фонд кусын райдыдта 2011-æм азы Дзуццаты Миланæйы хъæппæрисæй. Уый социалон хызты сарæзта сæрмагонд къорд. Ис дзы фæкæсынхъуаг сырдты тыххæй информаци. Адæм æххуыс кæнын райдыдтой. Абон Миланæимæ архайы ноджыдæр 15 чызджы. Фылдæр æххуыс кæнынц йе `нæниздзинад хъыгдард кæмæн у, ахæм куыйтæн æмæ гæдытæн. Дзæгъæл кæй сты, уымæ гæсгæ арæхдæр бахауынц машинæты бынмæ. Ацы хъуыддаг æххæст кæнын чызджытæн зын у. Сæ бон нæу сæ фонд срегистраци кæнын дæр. Хъæуы фæрæзтæ æмæ бирæ гæххæттытæ. Уæдæ цæрæгойтæн дæр æдзух хъæуы операцитæ кæнын, хостæ æмæ æндæр хъæугæ дзаумæттæ æлхæнын, сæйрагдæр та хæдзар ссарын.

Дзуццаты Миланæ, волонтер: «Уынджы куы фæцæйцæуын, æмæ куыдз кæнæ гæдыйы куы фенын, уæд æй райсын æмæ йын бацархайын хæдзар ссарын. Нæхимæ ахæссын куы нæ рауайы, уæд сæ рæстæгмæ радтæм алыхуызон адæммæ. Уыдон сæм фæкæсынц, хæринаг сын фæдæттынц. Уый тыххæй сын суткæмæ мах фæхъæуы æппын къаддæр 350 сомы фидын. Фæндид нæ, цæмæй нын бантыса приют байгом кæнын».

3 азмæ волонтертæн бантыст 100 цæрæгойæн баххуыс кæнын. Ныртæккæ сæм ис 60 куыдз æмæ гæдыйы бæрц.

Мæнæ ахæм сыфтæ, дзæгъæл цæрæгойтæн æххуысы курдиатимæ ныхæст сты горæты алы рæтты. Ам фыст сты телефоны номертæ, стæй фонды æмæ сырдты тыххæй бæлвырд информаци базонын кæм ис, уыцы сайттæ. Уымæй уæлдай ма волонтертæ флаертæ парахат кæнынц супермаркетты дæр.

Ныр та ма волонтертæ сæвæрдтой супермаркетты сæрмагонд контейнертæ. Уым, сырдтæн баххуыс кæнын кæй фæнды, уыдонæн сæ бон у сæвæрын кæнæ хойрæгтæ, кæнæ æхца. Иу къуыримæ ацы хъуыддагмæ йе `ргом чи раздæхта, уыдоны нымæц чысыл нæ разынд.

Хъайтмазты Дзерассæ

темæмæ гæсгæ
vgtrk_alania
vgtrk_alania
vgtrk_alania
vgtrk_alania