Факультетыл цæуы 51 азы. Уыцы рæстæгмæ дзы рацыд 9 мин экономистæй фылдæр. Се хсæн ис, Цæгат Ирыстоны нæ, фæлæ æппæт Уæрæсейы хъуыстгонд чи у, ахæм специалисттæ.
Суанты Вадим, парламенты депутат, экономикон наукæты кандидат: «Мах абон арфæ кæнæм хъæууон хæдзарадон университеты ректор Темыраты Виктор. Экономикон факультеты декан Гаситы петрæн, кæй æрæмбырд кодтой абон цалдæр фæлтæры. Ацы фембæлд алкæмæн дæр æхсызгон уыди. Кæстæртимæ фембæлдыстæм, бакастыстæм куыд ахуыр кæнынц, цы уавæрты сты æмæ нын тынг æхсызгон уыдис, æгайтма нæ кæстæртæ ахæм хорз фæндагыл цæуынц, сæ райсом бон рæсугъдæй рæсугъддæр кæнынц. Хъæууон хæдзарады институт зынгонд у канд Ирыстоны нæ, фæлæ Кавказы, Уæрæсейы. Ис дзы бирæ ахуыргонд адæм. Абон иумæ бадæм профессортæ, студенттæ, хумæтæг адæм».
Гаситы Петр, Хæххон паддзахадон аграрон университеты экономикон факультеты декан: «Мах нæ сæр тынг бæрзонд хæссæм бирæтæй, нæ факультет чи фæцис, уыдонæй Æвæццæгæн æмæ абон цы цы студенттæ ахуыр кæны, уыдон уыдоны зоной æмæ сæ сæхицæн дæнцæг исой. æвæццæгæн æмæ дзы бирæтæ ахъуыды кодтой æмæ кæд æртæккæ ахуырмæ ахæм цæстæнгас нæ дардтой, уæд ныр аахæм зонд æрцыдис, цæмæй ноджы хуыздæр ахуыр кæной».
