филиал вгтрк государственная телерадиовещательная компания “Алания”

Раарфæ кæнынмæ йæм æрбацыдысты йæ хæлæрттæ, национ-культурон æхсæнадты уæнгтæ, сфæлдыстадон интеллигенцийы минæвæрттæ. Армен Гаспарянц презентацийы хуызы равдыста йæ куыстытæ. Баст уыдысты дины культурæимæ, сомихаг æмæ европæйаг архитектурæимæ, æрдзы нывтимæ. Æнæхъæн изæр сценæйæ хъуыстис сомихаг музыкæ. Сфæлдыстадон изæр арæзт æрцыд национ ахастдзинæдты фарстаты министрады проект æххæстгæнгæйæ. Уымæ гæсгæ алы национ-культурон æхсæнад дæр радзуры йæ ирддæр минæвæртты тыххæй. Проект æххæстгонд цæуы 2005-æм азæй фæстæмæ.

Хетæгкаты Аслан, РЦИ-Аланийы сгуыхт нывгæнæг: «Ирыстоны бирæ адæмы хæттытæ цæрынц, цæмæй адæм кæрæдзийы зоной, сæ культурæ, уый хорз хъуыддаг у. Чи æрхъуыды кодта ацы проект, уымæн йæ цæрæнбон бирæ уæд. Хорз йеддæмæ, æвзæрæй дзы ницы ис ацы хабары. Аивады дæр иумæ стæм, стæй Армен дæр училищæйы кусы, æз дæр, æртыккаг та – æз дæр академи фæдæн, Армен дæр. Афтæ йын йæ куыстытæм фæкæсын, æмæ æхсызгон вæййынц. Профессионал у. Æвзæр нывгæнæг нæу. Зæрдæйæ дæр хорз адæймаг у, йæ аивад дæр йæ сыгъдæг зæрдæйæ аразы».