филиал вгтрк государственная телерадиовещательная компания “Алания”

«Туг – адæймаджы цард бахъахъхъæнынæн». Хæрзаудæн акци æххæстгæнгæйæ тугдæттыны станцæ ацы хатт куыста Дыгуры районы. Адæмæн уыд фадат акцийы архайынæн æмæ сæ туг раттынæн. Акци арæзт æрцыд æнæниздзинад хъахъхъæныны фонды хъæппæрисæй. Ацы æхсæнадон иугонд фæзынд цалдæр къуырийы размæ. Йæ уæнгтæ сты Цæгат Ирыстоны медицинон академийы студенттæ. Сæ сæйраг хæс у – рынчынтыл аудын, стæй туг кæй нæ фаг кæны, уыцы хъуыддагмæ адæмы ргом раздахын.. Бантыст сын 20 литры бæрц æрæмбырд кæнын æмæ уый стыр ахъаз фæци Цæгат Ирыстоны туджы станцæйæн. Ахæм акцитæ ма арæзт æрцæудзæн республикæйы иннæ районты дæр, зæгъынц хæрзаудæн хъуыддаг аразджытæ.

Найфонты Дзерассæ, донор: «Фыццаг хатт радтон туг. Æмæ мæм афтæ кæсы, æмæ мæ туг искæйы бахъæудзæн. Уымæн æмæ арæх адæм авариты бахауынц, æмæ нæ вæййы туг».

Елбайты Асланбег, РЦИ-Аланийы æнæниздзинад хъахъхъæныны фонды разамонæг: «Ацы акци арæзт æрцыд æнæниздзинад хъахъхъæныны фондæй. Махæн у фыццаг акции. Æрцыдис конд уымæн æмæ æххуыс кæнæм, туг кæй хъæуы, уыдонæн. Нæ республикæйы уыцы фарста у тынг ахсджиаг. Æмæ нæ фæнды, цæмæй иннæ районты дæр ацæуа ахæм акции æмæ æрæмбырд кæнæм фылдæр туг».