Ног азмæ ма кæд рæстæг ис, уæддæр хистæртæ архайынц сæ сывæллæттæн рæсугъд бæрæгбон саразыныл. Куыд хуыздæр æй скæной, ууыл та хъуыды кæнынц рагагъоммæ.
Разамынддæттæг институты ныр 2-аг хатт сарæзтой акци «Бæллицты заз бæлас».
Ног азмæ ма кæд рæстæг ис, уæддæр хистæртæ архайынц сæ сывæллæттæн рæсугъд бæрæгбон
саразыныл. Куыд хуыздæр æй скæной, ууыл та хъуыды кæнынц рагагъоммæ.
Разамынддæттæг институты ныр 2-аг хатт
сарæзтой акци «Бæллицты заз бæлас». Базарадон центрты æмæ стыр дуканиты
раз сæвæрдтой заз бæлæстæ сывæллæтты фыстæджытимæ. Студенттæ куыд
зæгъынц, афтæмæй, сывæллоны бæллиц сæххæст кæнын у алкæй бон дæр.
Ивгъуыд аз сывæллæттæ сæ фыстæджыты
Митын Дадамæ цы курдиæттæ фыстой, уыдон сæххæст кодтой студенттæ
сæхæдæг. Ацы аз акци кæнынц парахатдæр. Йæ нысан у, цæмæй фылдæр адæм се
ргом раздахой, мады хъарм кæмæн нæ фаг кæны, уыцы сабитæм. Саразын сын
бæрæгбон, сæ зæрдæтæ сын æхсызгон лæвæрттæй барухс æмæ бахъæлдзæг кæнын.
