Инвæлид сывæллæтты хæрзаудæн реабилитацион центр «Алани»-йы сæрдар Хабæты Ханзарифæ ныр 25 азы æнæвгъауæй йæ зæрдæйы хъарм лæвар кæны æххуысхъуаг сабитæн.
Аразы сын алыхуызон акцитæ. Ивгъуыд къуыри йын цы юбилейон концерт уыд, уый дæр снывонд кодта сывæллæттæн. Концерты цы æхца æрæмбырд, уыдонæй инвæлид сывæллæтты аласдзысты Туркмæ. Хабæты Ханзарифæйæн раарфæ кæнынмæ æрбацыдысты республикæйы министрадты æмæ ведомствæты минæвæрттæ. Сæ аивадæй йын йæ зæрдæ барухс кодтой Ирыстоны æмæ сыхаг республикæты артисттæ.
Микаил Мамилов, Мæхъæлы республикæйы Ахмед Хамхоевы номыл паддзахадон филармонийы солист: «В дальнейшем, чтоб у нее не опускались руки, чтоб она была так же красива, энергична и так же стремительна помогала нашим детям инвалидам. И чтоб они всегда чувствовали заботу и любовь этой замечательной женщины.
Хабæты Ханзарифæ, Инвæлид сывæллæтты хæрзаудæн реабилитацион центр «Алани»-йы сæрдар: «Абон у мæ юбилей æмæ мын тынг æхсызгон у мæ алы варс ме ‘мгæрттæ кæй æрбамбырд сты, мæ циныл мын кæй цин кæнынц, ныфс мын кæй дæттынц. Цы хъуыддагыл лæуд дæн уыцы ран мын се ххуысы хай кæй дæттынц, уый дæр стыр хъуыддаг у æмæ сын хуыцау æнæниздзинад радтæд».
