Ацы хъуыддагмæ йе `ххуысы хай бахæссын у алы адæймаджы бон дæр. Æрæджы фæзындис, сæрмагондæй цæгатирыстойнаг сабитæн æххуыс кæныны фадат. Уый тыххæй хъæуы уырыссаг
Колыты Ибрагимыл цæуы 2 азы æмæ рдæг. Ныртæккæ кæны йæ фыццаг къахдзæфтæ, æмæ ахуыр кæны дзурын. Лæппу райгуырд йæ афонæй раздæр. Йе нæниздзинад у хъыгдард. Рынчын у церебралон параличæй æмæ эпилепсийæ. Афæдзы размæ дæр ма йæ рахиз къах æмæ къух не змæлдысты. Бинонтæ æххуысмæ бацыдысты Русфондмæ. Ибрагимы арвыстой Мæскуымæ медицинон технологиты клиникæмæ. Æппæт хæрдзтæ бафыста хæрзаудæн организаци. 2 хатты фæстæ сывæллон йæхи зынгæ хуыздæр æнкъарын райдыдта. Ныртæккæ та йæ хъæуы ногæй клиникæмæ цæуын. Фæлæ бинонтæм фаг фæрæзтæ нæй.
Колыты Дзерассæ: «Ныртæккæ та нæ ногæй хъæудзæн цæуын Мæскуымæ реабилитаци кæнынмæ. Русфонд нын зæрдæ бавæрдта, кæй баххуыс кæндзысты. Æхца куыддæр сæмбырд уой, афтæ ацæудзыстæм реабилитаци кæнынмæ клиникæмæ».
Сиданты Артуры тыххæй дзырдтам нæ программæтæй иуы февралы. Сывæллонæн йæ райгуырдæй фæстæмæ йæ зæрдæ у хъыгдард, стæй ма йæ рæуджыты тугхæссæг тугдадзин дæр у æфхæрд. Йе 6 азмæ йын скодтой 4 уæззау операцийы. Берлины кардиоцентрмæ радон операци кæнынмæ бинонты хъуыд 12 мин евройæ фылдæр. Артуры мад куыд зæгъы, афтæмæй æнхъæл дæр нæ уыд, ахæм стыр фæрæзтæ æрæмбырд кæнын кæй бантысдзæн, уый.
Сиданты Вандæ: «Бацыдтæн Русфондмæ. Загътон, цы æххуыс нæ хъæуы, уый. Тынг тагъд нæм фæкастысты. Æз афтæ æнхъæл дæр нæ уыдтæн. Баххуыс нын кодтой, ацыдыстæм нæ фæндагыл. Йæхи бирæ хуыздæр æнкъары. Кæд раздæр йæ бон уый бæрц ралидз-балидз кæнын, уæд ныр хуыздæр у».
Ныртæккæ Русфонды фæрæзтæ æмбырд кæнынц 4 сывæллонæн. Уыдоны тыххæй информаци фенæн ис организацийы официалон сайты. Сывæллæттæн æххуысы æппæтæй æнцондæр хуыз у смс арвитын. Æрæджы фæзынд æнæмæнг цæгатирыстойнаг сабитæн æххуыс кæныны фадат. Уый тыххæй хъæуы уырыссаг кæнæ латинаг дамгъæтæй фыст дзырд «дети» арвитын номыр 5541-мæ. Смс-фыстæджы аргъ у 75 сомы.
Сагеты Мæдинæ, Русфонды цæгатирыстойнаг бюройы разамонæг: «Уыдон сты Уæрæсейы кæй дзæбæх кæндзысты, ахæм сывæллæттæ. Кæйдæр хъæуы зынаргъ хостæ, кæйдæр реабилитацийы курс. Ис ма нæм иу чызг – Хъараты Кæмиллæ. Уый размæ дæр æххуыс кодтам. Ныртæккæ ис Германийы. Дохтыртæ йын ныфс дæр нал æвæрдтой, фæлæ йæ мад йæ къухтæ не руагъта. Ссардта клиникæ, дохтырты. Ныртæккæ йын Русфонд фæнд кæны баххуыс кæнын».
Русфонды цæгатирыстойнаг бюро кусы 2 азы æмæ рдæг. Уыцы рæстæгмæ æххуыс райстой дæсгай сывæллæттæ.
Хæрзаудæн организацийы иу курдиат дæр æнæ дзуаппæй нæ баззайы. Æрмæст 2013 азы Цæгат Ирыстоны Русфонды æххуыс райстой 30 сывæллонæй фылдæр. Се нæниздзинад фæхуыздæр кæнынæн радих кодтой 8 милуан сомы бæрц.
Хъайтмазты Дзерассæ
