12 -18 аздзыд лæппутæ æмæ чызджытæ ам зонгæ кæндзысты æлыгæй кусынимæ, ахуыр кæндзысты зайæгойтæм зилын, архайдзысты зарæггæнджыты æмæ кафджыты къордты æмæ театралон студиты
Хæдзар-интернат «Ласкæ»-йы байгом инвалид сывæллæттæн боныгон уæвыны хайад. 12 -18 аздзыд лæппутæ æмæ чызджытæ ам зонгæ кæндзысты æлыгæй кусынимæ, ахуыр кæндзысты зайæгойтæм зилын, архайдзысты зарæггæнджыты æмæ кафджыты къордты æмæ театралон студиты. Бæлвырддæр хабæрттæ радзурдзæн Чехойты Фатимæ.
Годжысаты Мурат у республикæйы хæдзар-интернат «Ласкæ»-йы хъомылгæнинаг. Йæ зæрдæмæ тынгдæр цæуы хæринæгтæ кæнын æмæ хуыйын. Ныр ын фадат ис йæ зонындзинæдтæ фылдæр кæнын боныгон уæвыны центр «Фидæн»-ы. Йæ уæгъд рæстæг фæнд кæны, хуыйджытæн цы уат сифтонг кодтой, уым.
12 азæй 18 азы онг кæуыл цæуы, уыцы лæппутæ æмæ чызджытæн байгом кодтой сфæлдыстадон æрмадзтæ. Æлыгимæ архайын, зайæгойтæм зилын, полиграфи, кафджыты æмæ зарæггæнджыты къордтæ æмæ театралон студи. Æрмадзтæ хъæугæ æрмæгæй ифтонг æрцыдысты грант «Ног фадæтты центр» – ы фæрцы.
Уæлдай æхсызгон ныййарджытæн у. Сывæллæттимæ кусдзысты къуыри цалдæр хатты, бон – 4 сахаты. Ахуыр сæ кæндзысты, царды цæ сы фæлтæрдтæ хъæудзæн, уыдоныл. Ам сарæзтой æппæт хъæугæ фадæттæ.
Сывæллæттæн цы уавæртæ арæзт æрцыд, уыдоны тыххæй боныгон уæвыны хайад «Фидæн»-ы кусджытæ радзыртой республикæйы Хицауады хæдивæг Платы Альбинæйæн. Уый йе *мкусджытимæ базонгæ центры куыстимæ. Кадджын мадзалы архайдта Уæрæсейы Президенты æххæстбарджын минæвары хæдивæг Цæгат Кавказы Федералон зылды Владимир Надыкто.
Инвалид сывæллæттимæ чи кусы, уыцы специалисттæ архайдтой семинары. Уым сын дзырдтой ног методикæты тыххæй. Хицауады хæдзары та арæзт æрцыд æмбырд, инвалид сывæллæттæн сæ царды уавæртæ хуыздæр кæныны фарстатыл. Видеойы бастдзинады руаджы дзы архайдтой Цæгат Кавказы Федералон зылды æппæт субъектты минæвæрттæ.
Боныгон уæвыны хайад «Фидæн» æрмæст ногдзинæдтыл нæ ахуыр кæндзæн сывæллæтты. Уый сын у хорз фадат хæлæрттæ ссарынæн, ныййарджытæн та – экспертон æххуыс банкъарынæн.
