Уый тыххæй брифингы фехъусын кодта фонды цæгатирыстойнаг управленийы разамонæг Айларты Зæлинæ
Хæдзары чи бады, уыцы кусджытæн социалон фæдзæхстады Фонд, рынчыны гæххæттытæ фиды æххæстæй. Уый тыххæй брифингы фехъусын кодта фонды цæгатирыстойнаг управленийы разамонæг Айларты Зæлинæ. Законмæ гæсгæ, кусæг куы фæрынчын уа, уæд ын фыццаг 3 бонæн фиды куыстуаты разамонæг. Ныртæккæ 176 адæймаджы бадынц сæ хæдзæртты 176. Сæ фылдæр сты республикæйы цæрджытæ, коронавирусæй тæссаг бæстæтæй чи ссыди, уыдон. Цæмæй сæхицæн рынчыны гæххæтт скæной, уый тыххæй хъæуы дохтыртæн фехъусын кæнын, 14 боны карантины кæй сты, уый, стæй уæд курдиат бадæттын социалон фæдзæхстады фондмæ. Æхсæнадон палатæ æппынæдзухдæр йæ цæст дары республикæйы уавæрмæ. Уымæй дарддæр æхсæнадон кусджытæ сæ цæст дарынц хойраджы продуктты æргътæм. Палатæйы сæрдар Нина Чиплакова куыд фехъусын кодта, афтæмæй уæлдай ахсджиагдæр у ацæргæ адæмы уавæртæм кæсын. Социалон фæдзæхстады фондимæ волонтертæ-медиктæ æххуыс кæнынц, карантины чи ис, уыцы пенсиисджытæн. Æлхæнынц сын хойраджы продукттæ, хостæ, æххуыс сын кæнынц хæдзары куыстытæ бакæнынæн дæр.
