Йæ архайджытæ æрныхас кодтой дунейы культурйыл, нырыккон политикон-барадон хъуыдытæ хынцгæйæ
«Цæгат Кавказ – сабырдзинады территори». Ахæм сæргондимæ регионты хсæн конференци арæзт æрцыд хæххон металлургон институты ахуыргæндты хæдзары. Йæ архайджытæ æрныхас кодтой дунейы культурйыл, нырыккон политикон-барадон хъуыдытæ хынцгæйæ. Стыр æргом аздæхтой экстремизмы фарстатæм фæсивæды хсæн, æмæ йæ ныхмæ мадзæлттæм. Конференцийы архайдтой алы конфесситы æмæ æхсæнадон организациты минæвæрттæ, стæй хицаудзинады оргæнты кусджытæ. Уæдæ дзы уыдысты уазджытæ Дагестаны, Мæхъæлы æмæ Кæсæг-Балхъары республикæтæй. Бæстон докладтæ бацæттæ кодтой Цæгат Кавказы хæххон металлургон институты ахуыргæнджытæ æмæ студенттæ. Зæгъдзыстæм ма уый дæр, æмæ конференци арæзт кæй æрцыд нæ республикæйы национ политикæйы æмæ æддагон бастдзинæдты министрады хъæппæрисæй. Йæ разамонæг Бæгъиаты Алан куыд загъта, афтæмæй ацы аз бакодтой стыр куыст сабырдзинад тауыны хъуыддаджы. Уыимæ куыд Цæгат Ирыстоны паддзахадон хицаудзинады оргæнты рдыгæй, афтæ Цæгат Кавказы федералон зылды æппæт субъектты дæр.
