ЦИПУ-йы аивæдты факультеты студенттæ бацæттæ кодтой Фыдыбæстæйы Стыр хæсты рæстæгæй рацарæзты сценæтæ, азарыдысты хæстон зарджытæ
Мысын æмæ хъуыды кæнын. Хæххон паддзахадон аграрон университеты ацыд Фыдыбæстæйы Стыр хæсты Уæлахизы 77 азы бонимæ баст патриотон акци. Минут æдзæмæй алæууыны фæстæ, университеты ахуыргæнджытæ æмæ студенттæ дидинджытæ сæвæрдтой, ахуыргæнæндоны педагогтæй хæстæй чи нал сыздæхт, уыдоны мемориалы цур. Венок сæвæрдтой Советон Цæдисы хъæбатыр Плиты Иссæйы цыртдзæвæны цур дæр. Кæсæг-Балхъары аграрон университеты минæвæрттимæ ахуыргæнджытæ бабæрæг кодтой Æрджынарæджы мемориал дæр.
Кæд боныхъæд сæ хæрзтæй нæ уыди, уæддæр Бæрæгбоны мадзæлттæ ацыдысты алы ран дæр. ЦИПУ-йы аивæдты факультеты студенттæ бацæттæ кодтой Фыдыбæстæйы Стыр хæсты рæстæгæй рацарæзты сценæтæ, азарыдысты хæстон зарджытæ. Университеты æфсæддон ахуырадон центр та равæрдта хæцæнгæрзты хуызты равдыст. Студенттæн ныстуантæ скодтой университеты президент Мæхæмæтты Ахуырбег æмæ ректор Огъуаты Алан.
