06 октября 2020, 13:39
«Хæлардзинады акци» радон хатт арæзт æрцыди Дзæуджыхъæуы
Алкæмæн дæр фадат уыди, æххуысхъуаг чи у, уыцы адæмæн хæдзары дзаумæттæй баххуыс кæнынæн
«Хæлардзинады акци» радон хатт арæзт æрцыди Дзæуджыхъæуы. Алкæмæн дæр фадат уыди, æххуысхъуаг чи у, уыцы адæмæн хæдзары дзаумæттæй баххуыс кæнынæн. Акци саразджыты ныхæстæм гæсгæ, баххуыс кæнын кæй фæнды, ахæм адæм бирæ ис. Бонæй-бонмæ сæ нымæц кæны фылдæр. Хæрзаудæн фонд «Хæлар зæрдæ»-мæ баххуыс кæныны фæндонимæ æрбацæуынц æнæхъæн бинонтæй дæр. Акци арæзт æрцыди ныр 4-æм хатт. Радон хатт та уыдзæни иннæ мæй.
