Баст уыди Советон Цæдисы хъæбатыр Сергей Батышевы райгуырды сæдæ дæс азимæ
Дыууæ æнусы легендæ. Ахæм сæргондимæ хæлардзинады хæдзары арæзт æрцыди фæлтæрты фембæлд. Баст уыди Советон Цæдисы хъæбатыр Сергей Батышевы райгуырды сæдæ дæс азимæ. Уазджытæн равдыстой, Цæголты Георгийы номыл музей хъæбатыры цардвæндаджы тыххæй цы экспозици бацæттæ кодта, уый. Николаевскийы скъолайы ахуырдзаутæ та скодтой хъæбатыры хæстон фæндæгты тыххæй иртасæн куыст. Фæсивæдæн равдыстой Сергей Батышевыл конд документалон киноныв. Хъуыстгонд æмзæххоны тыххæй радзырдтой Дыгуры районæй уазджытæ, ветерантæ, музейы кусджытæ. Мадзал бацæттæ кодтой национ политикæйы æмæ æддагон бастдзинæдты министрад, Уæрæсейы æфсæддон-историон æхсæнад, республикæйы хæлардзинады хæдзар æмæ Дзæуджыхъæуы æхсæнадон совет.
