Афтæмæй нæ фæсивæд Цæгат Ирыстоны кад хъахъхъæндзысты КВН-ы æппæтадæмон фестивалы Сочийы, 2024-æм азы январ
Хъæлдзæг æмæ цыргъзондты клубы командæ «Юрикен» рамбылдта республикæйы Кубок. Афтæмæй нæ фæсивæд Цæгат Ирыстоны кад хъахъхъæндзысты КВН-ы æппæтадæмон фестивалы Сочийы, 2024-æм азы январы. Ахæм хъæзтытæ ацыдысты Уæрæсейы 50 регионы, культурон хъæппæристы Президентон фонды æххуысæй. Дзæуджыхъæуы та архайдтой 8 командæйы. Се хсæн – КВНы фыццаг къахдзæфтæ чи кæны, уыдон, стæй Уæлдæр лигæйы чи хъазы, ахæм фæлтæрдджын командæтæ. Архайдтой æрмæстдæр иу конкурсы «Приветствие». Аргъ та сын кодтой бæрнон жюрийы уæнгтæ. «Юрикен»-мæ Сочимæ ацæудзæн ноджыдæр 3 командæйы, республикæйы театр КВНы фæрæзтæй. Зæгъдзыстæм ма уый дæр, æмæ концертмæ билеттæ уыдысты лæвар. Ахæм уыд Президентон гранты домæн.
