Æппæты хъæлдзæгдæр æмæ цыргъзонддæрты ном райсыныл архайдтой 5 командæйы.
Хъæлдзæг æмæ цыргъзондты клубы зымæгон кубок рамбулыныл тох кодтой Хæххон паддзахадон аграрон университет. Æппæты хъæлдзæгдæр æмæ цыргъзонддæрты ном райсыныл архайдтой 5 командæйы. Уый, рагагъоммæ æвзарæн туртæ чи ацыди, агроуниверситеты факультетты уыцы студенттæ. Традицимæ гæсгæ, фæсивæд сæ хъæлдзæг номертæ равдыстой дыууæ къæпхæнмæ гæсгæ: «Разминка» æмæ «Приветствие». Чызджытæ æмæ лæппуты арæхстдзинадæн аргъ кодтой жюрийы уæнгтæ, се хсæн – КВН-ы лигæйы редактор Джиоты Давид, артисттæ Ныртыхты Валерий æмæ Баскаты Зæлинæ. Хатдзæгтæм гæсгæ, фыццаг бынат радтой ветеринарон факультеты командæ «Дальше некуда». КВН-ы зымæгон кубок аграрон университеты арæзт фæцæуы алы аз дæр. Йæ аразджыты хъуыдымæ гæсгæ, ахуыргæнæндоны ацы хъуыддагыл куыст цæуы æнæрлæугæйæ, æмæ йын ныридæгæн ис фидар уидæгтæ.
