Акци зынгæ апарахат, æмæ йын æхсæнады ис стыр ахадындзинад
Æппæтуæрæсеон акци «Мах стæм иумæ» æххæст кæнгæйæ, хæрзаудæн фонд «Быть добру» хатдзæгтæ скодта сывæллæтты сфæлдыстадон конкурсæн «Бузынг, дохтыр». Акци зынгæ апарахат, æмæ йын æхсæнады ис стыр ахадындзинад. Мин æрыгон архайæгæй фылдæр республикæйы æппæт районтæй жюрийы размæ рахастой сæ нывтæ. Уым равдыстой сæ ахастдзинад медицинон кусджытæм. Акцийы фæрцы бузныг загътой дохтыртæн. Æппæты кæстæр конкурсантыл цæуы 4 азы. Финалмæ рацыдысты 20 куысты. Жюрийы хыгъды та уыдысты æхсæнадон архайджытæ æмæ профессионалон нывгæнджытæ. Уыдон бæстон кастысты куыстыты хæрзхъæддзинадмæ æмæ конкурсантты дæсныйадмæ. Конкурсы уæлахиздзаутæн радтой кады гæххæттытæ æмæ зынаргъ призтæ. Экспозици равæрдзысты республикæйы клиникон рынчындоны холлты, пациенттæ æнхъæлмæ кæм фæкæсынц, уыцы бæстыхæйтты.
