Цæгат Ирыстоны программæ «Земский учитель» æххæст кæнынц ацы азы райдианæй
Хъæуты райдыдтой 16 æрыгон ахуыргæнæджы кусын. Цæгат Ирыстоны программæ «Земский учитель» æххæст кæнынц ацы азы райдианæй. Конкурс сбæлвырд кодта æппæты хуыздæрты. Алчидæр сæ райсдзæн милуан, уый хыгъд хъуамæ хъæуы 5 азæй къаддæр ма бакусой. Программæ куыд æххæстгонд цæуы, уый тыххæй нæ программæйы æрмæг.
Къасы журнал, хъæдæй когд линейкæ, мел, методичкæ. Темыраты Зæлинæ университет каст фæуыны фæстæ, æнхъæл дæр нæ уыди ахуыргæнæгæй кусдзæни, уымæн. Фæлæ йæхæдæг куыд зæгъы, афтæмæй царды алы уавæр дæр бафæлварын хъæуы. Афтæмæй, кусынмæ бацыди Цыколайы скъоламæ, уый фæстæ бавнæлдта паддзахадон службæмæ, экономикæмæ. Æмæ та ныр, 1-æм сентябрæй фæстæмæ, Темыраты Зæлинæ математикæйы къласмæ ногæй райста сывæллæтты. Спайда кодта программæ «Земский учитель»-æй.
Сывæллæттимæ иумæйаг æвзаг ссарын зын нæу. Ацы хъуыддаджы сæйрагдæр у, предметмæ сæм цымыдисдзинад сæвзæрын кæнын. Уæд ахуырдзаутæн æнцон вæййы, æрмæг бамбарын.
Поселок Советскийы скъола математикæйы ахуыргæнæгæй рагæй уыди цух. Программæ «Земский учтель» царды куы дацыдис, уæд курдиат балæвæрдтой, цæмæй сæм гæнæн æмæ амалæй æрæрвитой ахуыргæнæг. Ныр сæ цинæн кæрон нæй, сывæллæттæн æмбаргæ ахуыргæнæг фæзындис, зæгъы скъолайы директор.
Ацы аз программæ «Земский учитель»-ы архайы 16 ахуыргæнæджы. Иууылдæр скъоладзауты ахуыр кæнынц хъæуты. Сæ фæллойы тыххæй ахуырады министрадæй райсдзысты фæйна милуан сомы. Фæлæ уый тыххæй хъæуты хъуамæ 5 азæй къаддæр ма бакусой.
