Сæрмагонд программæйы фæрцы Рахизфарсы æмæ Æрæфы районты цæуынц арæзтадон куыстытæ цалдæр къабазмæ гæсгæ
Хъæуты территориты иумæйаг райрæзтæн мадзæлттæ. Сæрмагонд программæйы фæрцы Рахизфарсы æмæ Æрæфы районты цæуынц арæзтадон куыстытæ цалдæр къабазмæ гæсгæ. Хуымаллæджы конд цæуы спортивон комплекс, Бруты ног скъола, Цыколайы та, октябры, хъуамæ байгом кæной физкультурон дзæбæхгæнæн комплекс. Арæзтадон объекттæ бабæрæг кодта не сфæлдыстадон къорд. Ныхасы бар Сосранты Жаннæйæн.
Хуымæллæджы спортивон комплексы арæзтадыл куыстытæ, сты сæ тæмæны. Раздæр сывæллæттæ кæм архайдтой уыцы бæстихайы уавæр æрцыд уæззау уавæрмæ. Ныр æнхъæлмæ кæсынц ног бæстыхайы дуæртты байгоммæ. Специалистты ныхсæтæм гæсгæ сæрды уыцы хъуыддаг хъуамæ къухы бафта. Уæвгæ та Рахизфарсы районы хъæуккаг территориты иумæйаг райрæзти программæмæ гæсгæ дзы куыстытæ цæуы цыппар объектыл.
Дондзæуæн хызты реконструкци дæр районы конд цæуы ацы программæйы фæрцы. Ныры онг ивд æрцыд хæтæлты 32 километры. Сæ баивыныл куыстытæ кæронмæ фæхæццæ кæнынц.
Бруты хъæуы скъола дæр абоны уавæртæн дзупп нал лæвæрдта æмæ дзы конд цæуы ног бæстыхай. Уыдзæн дзы бынат 200 сывæллонæн. Проектмæ гæсгæ бæстыхай у чысыл территорийыл, фæлæ фадатджын. Куыстытæ конд цæуынц фæткмæ гæсгæ. Ныртæккæ уал скъоладзауты ласынц сыхаг хъæу Хуымæллæгмæ.
Уæдæ Цыколайы дæр æнæрлæугæйæ куыст цæуы физкультурон дзæбæхгæнæн комплексы арæзтадыл. Фондз мин квадратон метры фæзуатыл сывæллæтты бон уыдзæн алы хуызы спорты хуызтæй архайын. Иуумæйагæй райсгæй – тæккæ минкъйидæр уодзæнæнцæ аст.
Куыстыты иумæйаг аргъ у 303 милуан сомæй фылдæр. Фæбæрæг кæнын ма хъæуы уый дæр æмæ дзы кæй суыдзæн сæ бон архайын се нæниздзинадмæ гæсгæ сæ гæнæнтæ сæ фæндон кæмæн не сты, уыдонæн дæр. Объекттыл куыстытæ конд хъуамæ фæуой октябры. Æдæппæтæй хъæуы территориты райрæзты программæмæ гæсгæ дихгонд æрцыд иу милиард æмæ дыууæ милуан сомы. Ацы аз ма, пъланмæ гæсгæ, куыст æрцæудзæн Веселыйы æмæ Суададжы.
