Стыр æргом аздæхтой инвестицион проекттæм
Хъæууон хæдзарады куыст чи кæны, уыдонæн æххуысыл ныхас цыд, Дзанайты Барисы разамындæй æмбырды. Стыр æргом аздæхтой инвестицион проекттæм. Афтæ аграрон кусджытæн паддзахадон программæмæ гæсгæ Джызæлы арæзт æрцæудзысты 29 хицæн цæрæн хæдзары. Æмбырды ма ныхас цыд, национ проектты æмæ паддзахадон программæты мадзæлттæ куыд æххæстгонд цæуынц, ууыл. Премьер се ппæты ргом аздæхта, федералон фæрæзтæ кæмæн радих кæнынц, уыцы программæтæ царды уадзынмæ. Æнæниздзинадхъахъхъæнынады министры хæстæ æххæстгæнæг Митциты Астан фехъусын кодта, ацы аз программæтæ «Земский доктор»/«Земский фельдшер»-ы архайынц 22 дохтыры æмæ 3 медицинон кусæджы. Федералон проектмæ гæсгæ, 70 милуан сомæй фылдæр радих кодтой, зæрдæйы æмæ тугдадзинты низтæ кæмæ ис, уыцы пациенттæн лæвар препараттæ дæттынæн. Ныхас кодтой æндæр егъау инвестицион проекттыл дæр. Экономикæйы министрадæн бабар кодтой инвестортимæ æмбырд бацæттæ кæнын.
