филиал вгтрк государственная телерадиовещательная компания “Алания”

Хæзныдоны бындуронæй сцалцæг кæндзысты амбулатори. Уый тыххæй хъусын кæны арæзтады æмæ архитектурæйы министрады пресс-службæ. Медицинон куыстуат лæггад кæны мин æмæ 500 адæймагæн. Рагæй ис кæлæддзаг уавæры. Къултыл арф фазтæ, пъол нал бæззы. 10 азы размæ баивтой бæстыхайы сæр, фæлæ уый разынд æрмæст рæстæгмæ мадзал. Абон амбулаторийы нæ фаг кæны медицинон кусджытæ дæр. Бындурон цалцæг цæудзæн национ проект «Дæргъвæтин æмæ активон цард» æххæстгæнгæйæ. Фарон уымæ гæсгæ Дзæуджыхъæуы бындуронæй базылдысты 4 поликлиникæмæ. Ведомствæйы фæнысан кодтой, Цæгат Ирыстоны дарддæр цæуы медицинон инфраструктурæйы райрæзт æмæ модернизаци.