филиал вгтрк государственная телерадиовещательная компания “Алания”

Хуыцаубоны, 24-æм августы Хæзныдоны стадионы Цæгат Ирыстоны пысылмæтты управлени сараздзæн æрвылазон спартакиадæ «Сабырдзинады æмæ æфсымæрдзинады эстафетæ». Турнир баиу кæндзæн Цæгат Кавказы фæсивæды. Архайджытæ сæ тыхтæ бавзардзысты 3 дисциплинæйы: эстафетæйы, мас-рестлингы æмæ бæндæн ивазыны. Конкурсы программæйæ фæстæмæ ма уыдзæн ерыстæ футболæй æмæ армрестлингæй. «Сабырдзинады æмæ æфсымæрдзинады эстафетæ» сси се ппæтæн уарзон традици. Азæй-азмæ ацы фæз æнгом кæны алы адæмы хæттыты æмæ конфесситы минæвæртты. Нациты хсæн ахастдзинадтæ фидар кæнын, спорты æмæ æнæниз царды уагы пропагандæ сты тæрниры сæйраг нысантæ.