Абаканæй театр Уæрæсейы нымад у хуыздæртæй иуыл
Хакассийы куклаты театр «Сказка» гастрольтимæ ссыд Цæгат Ирыстонмæ. Абаканæй театр Уæрæсейы нымад у хуыздæртæй иуыл. У фондз «Сызгъæрин маскæйы» хицау. Дзæуджыхъæуы театр «Саби»-йы сценæйы артисттæ равдисдзысты спектакльтæ «Золотой цыпленок» æмæ «Как котенок учился мяукать». Уымæй дарддæр уазджытæ сæ арæхстдзинад равдисдзысты сывæллæтты рæвдауæндæтты æмæ горæты культурæйы уагдæтты. Хакассийы артисттæ Ирыстонмæ кæй ссыдысты, уымæн фадат фæзынд федералон программæ «Большие гастроли» æххæст кæнгæйæ. Уый фæстæ та ирыстойнаг театр «Саби»-йы артисттæ гастрольтимæ ацæудзысты Абаканмæ. Дзæуджыхъæуккаг театр Хакассийы равдисдзæн 3 спектаклы: «И мы защищали Родину», «Абрикосовое дерево», стæй «Нартæ æмæ сызгъæрин фæткъуы». Хакассийы театр та Дзæуджыхъæуы равдыста спектакль «Кавказский меловой круг».
