25 июня 2025, 10:39
Хъалмыхъы æрмдæсныты авторон æмæ сувенирон куклаты равдыст байгом Дзæуджыхъæуы
Экспозицийы ис 25 куысты. Уыдон авиадуарзджыты зонгæ кæнынц Хъалмыхъы республикæйы хæдбындур традицитимæ æмæ культурæимæ
Хъалмыхъы æрмдæсныты авторон æмæ сувенирон куклаты равдыст байгом Дзæуджыхъæуы, Кировы уынджы нывгæнджыты æрмадзы. Экспозицийы ис 25 куысты. Уыдон авиадуарзджыты зонгæ кæнынц Хъалмыхъы республикæйы хæдбындур традицитимæ æмæ культурæимæ. Композицитæ аразгæйæ, нывгæнджытæ хынцтой алы лыстæг хъуыддаг дæр, цæмæй хуыздæр æмæ ирддæр равдисой сæ адæмы æгъдæуттæ æмæ национ костюмты рæсугъддзинад. Равдыст у – дыууæ республикæйы хæлардзинады символ. Æртæ азы размæ нывгæнджытæ сæ авторон куклатæ аластой Элистамæ. Ахæм равдыстытæ аразын суыдзæн хорз æмæ фидар традици, – зæгъынц йæ саразджытæ.
