Ирыстоны бонтæ Хъалмыхъы цæудзысты 10-æм майы онг
Хъалмыхъы республикæйы Национ музейы байгом Ирыстоны нывгæнджыты равдыст «Ирыстойнаг колорит». Цæудзæн 10-æм маймæ. Экспозицимæ хаст æрцыдысты 50 авторы 100 куыстæй фылдæр. Се хсæн сты, куыд нырыккон аивады мастертæ, афтæ ацы дæсныйады фыццаг къахдзæфтæ кæнын чи райдыдта, ахæм æрмдæснытæ. Се хсæн сты Мæскуыйы, Санкт-Петербурджы уæлдæр аивадон ахуыргæнæндæтты æмæ Цæгат Ирыстоны паддзахадон университеты рауагъдонтæ. Нывкæнынад, скульптурæ, графикæ æмæ æрмдæсныйады фæрцы равдыстой Ирыстоны нырыккон аивады жанртæ, техникæ æмæ стильтæ. Ахæм егъау экспозици нæ республикæйæ Хъалмыхъы арæзт æрцыд фыццаг хатт. Уæвгæ, та уыд сфæлдыстадон делегацийы дзуапдæттæн мадзал. Уæ зæрдыл уын æрлæууын кæндзыстæм, апрелы райдиан Дзæуджыхъæуы арæзт æрцыд равдыст «И друг степей калмык». Ирыстоны бонтæ Хъалмыхъы цæудзысты 10-æм майы онг.
