Уыдон сты паддзахадон службæгæнджытæ – алы къабæзты кусджытæ
Ханты-Мансийскы автономон зылды 35 минæвары стажировкæ кæнынц Цæгат Ирыстоны. Уыдон сты паддзахадон службæгæнджытæ – алы къабæзты кусджытæ. Сты программæ «Лидеры изменений Югры»-йы архайджытæ. Æххæст æй кæны Президентон академийы паддзахадон управленийы уæлдæр скъола. Уазджытæн раарфæ кодта Цæгат Ирыстоны сæргълæууæг Сергей Меняйло. Йæ зæрдæ сын загъта, æнтыстджынæй бакусын.
«Лидеры изменений Югры» у Ханты-Мансийскы автономон зылды регионалон æмæ муниципалон æмвæзады дæсны специалистты цæттæ кæныны программæ. Арæзт у 7 модулæй. Уыдонæй 2 сты регионалон стажировкæ. Ацы аз уымæн æвзæрст æрцыд Цæгат Ирыстон. Ахуырадон интенсив ахæсдзæн 4 боны. Программæйы архайджытæ бабæрæг кæндзысты куыстуæттæ, ахуырадон организацитæ, базонгæ уыдзысты республикæйы туристон маршруттимæ.
