Уый тыххæй æрвылкъуырион аппаратон æмбырды фехъусын кодта цæрæнуæтты-коммуналон хæдзарады, артаджы æмæ энергетикæйы министр Таматы Майрæн
Хъармæй ифтонг кæныны системæ ивд æрцыд сæрдыгон фæткмæ. Уый тыххæй æрвылкъуырион аппаратон æмбырды фехъусын кодта цæрæнуæтты-коммуналон хæдзарады, артаджы æмæ энергетикæйы министр Таматы Майрæн. Сергей Меняйло ведомтвæйæн бахæс кодта, электрон тых хардз кæныны тыххæй адæммæ æнæхъуаджы квитанцитæ æрвыст кæй цæуынц, уыцы фарстамæ лæмбынæгæй æркæсын. Бæлвырддæр та, лæггæдтæн кæй бафыстой, уымæн æвдисæн квитанцитæ кæй къухы ис, ахæм адæмы хæсджынты хыгъдмæ кæй бахастой, уымæ. Æмбырды ныхас цыди республикæйы эпидемиологон уавæрыл дæр. У рæстæмбис. Мамысоны арæзтадон куыстытæ дæр фæпарахатдæр сты. Профилон ведомствæтæн бахæс кодтой каникулты рæстæг куыстытæм студентты ргом раздахын. Уымæй уæлдай, Республикæйы сæргълæууæг æрдзон æвæрæнты æмæ экологийы министрадæн радта æнæзакъон бырондæттæ рабæрæг кæныныл бындуронæй бакусыны хæс. Транспорты æмæ фæндаггон инфраструктурæйы комитеты разамонæджы ргом раздæхта Архонкæйы маршрутон такситы куысты къуылымпыдзинæдты тыххæй адæмы хъæстытæм. Солиты Тариэль куыд загъта, афтæмæй республикæ райста 17 ног автобусы, майы кæронмæ ма ноджыдæр сласдзысты 11.
