Цæгат Кавказы Суворовон æфсæддон училищæйы кусы нырыккон хъармгæнæн
Хъармгæнæн сезон райдыдта хъахъхъæнынады министрады объектты дæр. Афтæ, Цæгат Кавказы Суворовон æфсæддон училищæйы кусы нырыккон хъармгæнæн. Уый руаджы ахуыргæнæндоны 500 курсанты зонындзинæдтæ исынц афæдзы афонмæ гæсгæ æмбæлгæ уавæрты. Хъармгæнæн у автоматикон. Йæ хызы дæргъ у километрмæ хæстæг. Бæлвырддæр радзурдзæн Чехойты Фатимæ.
Автоматикæйæ æххæст модулон хъæрмгæнæнæй 5 азы дæргъы цæуы хъарм æмæ тæвд дон Цæгат Кавказы Суворовон æфсæддон училищæмæ. Хорз цæттæ у зымæгон уавæртæм: сарæзтой йын регламентмæ гæсгæ æркаст, сбæрæг ын кодтой йæ техникон фæрæзты уавæр.
Суворовон æфсæддон училищæйæн лæггад кæны Дзæуджыхъæуы 7-æм цæрæнуæтты-коммуналон службæ. Æмæ æрмæст уымæн нæ, фæлæ ма Уæрæсейы хъахъхъæнынады министрады Хуссар æфсæддон зылды 54 хъармгæнæнæн дæр.
Суворовон училищæ хауы социалон объекттæм. Хъарм æм лæвæрд æрцæуы фæткмæ гæсгæ. Цæрæнуæтты-коммуналон службæ йæ хæстæ æххæст кæны афоныл. Ныридæгæн ахуыргæнæндоны хъармгæнæн кусы æмбæлгæ уагыл. Специалистты хъуыдымæ гæсгæ, йæ уавæр дзуапп дæтты æппæт домæнтæн – лæггад ма кæндзæн бирæ азты.
