Республикæйы хæлардзинады Хæдзары делегаци, национ æхсæнад «Русь»-ы хуындмæ гæсгæ, абалц кодта Мæздæджы районмæ
Хъазахъхъæгты историйы тыххæй радзырдтой скъолайы. Республикæйы хæлардзинады Хæдзары делегаци, национ æхсæнад «Русь»-ы хуындмæ гæсгæ, абалц кодта Мæздæджы районмæ. Терскийы æмæ Луковскæйы станицæйы кæстæртæн балæвар кодтой хъазахъхъæгты историйы тыххæй чингуытæ. Ацы лæвармæ скъоладзаутæ рагæй æнхъæлмæ кастысты. Уымæн æмæ цалдæр азы архайынц хъазахъхъæгты традицитæ æмæ æгъдæуттæ сног кæныныл. Бынæттон скъолаты сарæзтой хъазахъхъаг отрядтæ. Лæппутæ æмæ чызджытæ фæархайынц алыхуызон ерысты, ацæуынц туристон балцыты, стæй ма бацархайынц чырыстон дины бæрæгбæтты дæр. Ног чингуытæ сын стыр æххуыс фæуыдзысты. Уыцы бон ма скъоладзаутæ ныффыстой диктант Цæгат Ирыстоны цæрæг хъазахъхъæгты историйы тыххæй. Тестыты фæрстытæн дзуæппытæ дæтгæйæ, равдыстой иттæг хорз зонындзинæдтæ, æмæ сын радтой сертификаттæ.
