Тæбæхсæуты Балойы номыл Ирон академион театр фестивальмæ аласта спекаткль «Ричард III»
Хъазаны кæронмæ æрхæццæ тюркаг адæмты 16-æм æппæтадæмон фестиваль «Науруз». Форумы æхсæзæм, кæронбæттæн бон баст уыд Турчы æмæ Уæрæсейы регионты театртимæ. Бæлвырддæр та – Цæгат Ирыстоны, Чувашийы æмæ Татарстаны театралон коллективтимæ. Спектакльтæ равдисыны агъоммæ фестивалы пресс-центры арæзт æрцыд сфæлдыстадон минæвæрттимæ. Тæбæхсæуты Балойы номыл Ирон академион театр фестивальмæ аласта спекаткль «Ричард III». Шекспиры уацмысмæ гæсгæ йæ сæвæрдта режиссер Уалыты Гиви. Пьесæ дзурæг у – Англисы аристократон бинонты хсæн 30 азы тохыл. Мæскуыйаг театралон критик Анна Степанова аккаг аргъ скодта цæгатирыстойнаг коллективæн. Йæ хъуыдымæ гæсгæ Ирон театр у æнгом коллектив рæсугъд адæмимæ. Сæ архайдæй æвдисынц абухгæ темперамент æмæ æгæрон тых. Иу дзырдæй – æргом æнкъарæнт кæм уарзынц, ахæм театр. Уымæ гæсгæ сын Шекспиры сфæлдыстад у тынг хæстæг.
