19-æм æнусы кæрон Сергей Алонкинмæ ахуыры фæстæ, Дзанайты Садуллæ байгом кодта ателье паддзах Александры номыл проспекты
Хетæгкаты Къостайы хæдзар-музейы байгом фыццаг ирон профессионалон хуызисæг Дзанайты Алыксандры, кæнæ ма йæ куыд хуыдтой Садуллæйы номимæ баст равдыст. 19-æм æнусы кæрон Сергей Алонкинмæ ахуыры фæстæ, Дзанайты Садуллæ байгом кодта ателье паддзах Александры номыл проспекты. Афтæ райдыта республикæйы сæйраг сахары къамисæн дуг. Ирон хуызисæг кæй фæзынд, уый тыххæй хабар апарахат æппæт республикæйы. Йæ цæстытæй мах абон уынæм рагон Дзæуджыхъæуы хуызтæ. Ныртæккæ дæр сæ мыхуыр кæнынц посты къамты. Хетæгкаты Къоста æмæ Дзанайты Садуллæ уыдысты хæлæрттæ, кодтой ма сфæлдыстадон æмгуыстад дæр. Равдыстмæ хаст æрцыдысты хуызисæджы куыстытæ æмæ дзаумæттæ, Къостайы фыстæджытæ йæ хæлармæ. Экспозици феныны фадат уыдзæн майы кæронмæ.
