23 мая 2025, 11:11
Хетæгкаты Къостайы номыл Центрон парчы арæзт æрцыд квест Стыр Уæлахизы 80 азы кадæн
Сæрмагондæй та йæ темæ баст уыд Кавказ суæгъд кæныны тохимæ
Хетæгкаты Къостайы номыл Центрон парчы арæзт æрцыд квест Стыр Уæлахизы 80 азы кадæн. Сæрмагондæй та йæ темæ баст уыд Кавказ суæгъд кæныны тохимæ. Архайдтой дзы республикæйы уæлдæр ахуыргæнæндæтты студенттæ æмæ скъоладзаутæ. Мадзал арæзт æрцыд газет «Северная Осетия»-йы хъæппæрисæй. Фæсивæды хъуыд сæххæст кæнын алыхуызон хæслæвæрдтæ. Се *хсæн – Морзейы азбукæйæ пайдагæнгæйæ раиртасын сусæггонд ныстуан, срæмудзын кæнын знаджы дзот, парчы территорийы ссарын исты нысантæ. Квесты сæйраг нысан у патриотон хъомылад, рæзгæ фæлтæрмæ Фыдыбæстæйы историмæ цымыдисдзинад гуырын кæнын, цæмæй зоной Стыр Уæлахизы тыххæй адæм цы аргъ бафыстой, уый.
темæмæ гæсгæ
