Экономикæмæ йе ргом чи здахы, уыдонæн лекци бакасти таксийы фирмæйы техникон директор Денис Шулейкин
Хи бизнес бакæнынæн цæмæй райдайын хъæуы, уый ныр зонынц лекци «Алания Бизнес акселератор»-мæ хъусджытæ. Экономикæмæ йе ргом чи здахы, уыдонæн лекци бакасти таксийы фирмæйы техникон директор Денис Шулейкин. Программæ саразджытимæ абалц кодта Мæздæгмæ, цæмæй йæ зонындзинæдтæй фæхай кæна фæсивæдæн. Радзырдта сын бизнес-технологиты тыххæй. Лекци арæзт æрцыд диалоджы хуызы. Лæппутæ æмæ чызджытæ базыдтой, фæндаджы райдиан цы зындзинæдтæ вæййы, уыдоны тыххæй. Райдиан къæпхæныл дзургæйæ, Денис Шулейкин æрлæууыд бизнесы тæссагдзинæдтыл. Æрдзырдтой ма, нæ республикæйы цы фадат ис бизнес байгом кæнынæн, ууыл. Саразджыты ныхæстæм гæсгæ, ахæм фембæлдтытæ уыдзысты республикæйы æппæт районты дæр. Ацы аз июны уыдзæн бизнес-хъæппæристы конкурс. 100 райдайгæ амалхъом адæймаджы райсдзысты грант 250 мин сомы, 3 агростартапы – фæйнæ 3 милуан сомы, 15 микрозаймы – фæйнæ 5 милуан сомы.
