Ныр, зæгъæн ис, æмæ хистæртæ цы лæггæдтæй пайда кæнынц, уыдонæй спайда кæнæн ис кæстæртæн дæр
Нæ республикæйы кусы сывæллæтты такси. Шофыртæ иууылдæр сты сылгоймæгтæ. Уыдон та сывæллæтты ныййарджыты хуызæн баласынц хъæугæ бынатмæ, æмæ ма сæ дуары цурмæ дæр бакæнынц. Уымæ гæсгæ балц æдасæй кæй ацæудзæн, уый дызæрдыггаг нæу. Сывæллæтты таксийы лæггæдты тыххæй бæлвырддæр радзурдзæн нæ уацхæссæг Тъехты Элинæ.
7 аздзыд лæппу Засеты Костя архайы нывкæнынадæй. Уроктæм ацæуы йæхæдæг, сывæллæтты таксийы руаджы. Æмæ цалынмæ Костя æмæ йæ фсымæр Алан æнæ хистæрты æххуысæй цæуынц, кæдæм сæ хъæуы, уырдæм, уæдмæ сæ ныййарджытæ æнæзæрдæхсайгæйæ кусынц. Уымæн æмæ йæ зонынц, такси æдас кæй у, уый.
Сывæллоны балц æдасæй кæй ацæудзæн, уый дызæрдыггаг нæу. Уымæн æмæ Кучиты Мæдинæ æмæ Джиоты Зæлинæ сывæллæтты таксийы лæггæдтæ уый тыххæй сарæзтой. Цæмæй æвзонг бæлццæттæ мацæмæй тæрсой, сæ ныййарджытæн та сæ зæрдæ ма хсайа, уый тыххæй. Шофыртæ иууылдæр сты сылгоймæгтæ. Уыдон та сывæллæтты мадæлты хуызæн баласынц хъæугæ бынатмæ, æмæ ма сæ дуары цурмæ дæр бакæнынц.
Æвæццæгæн, алы ныййарæг дæр йæ сывæллонæй фехъуыста, тагъддæр æй срæзын кæй фæнды, уый. Хестанты Полинæ æмæ Дзанæгаты Алинæ сæ фæлладуадзæн бонтæ арвыстой пайдаимæ. Куыстой, ацæргæ æмæ инвалид адæм боныгон цы центры вæййынц, уым. Чызджытæ дзы канд фæрæзтæ нæ, фæлæ ма бирæ ногдзинæдтæ райстой.
18 азы онг кæуыл цæуы, уыдонæн куыст ссарын зын нæу. Хъæуы æрмæстдæр адæмы куыстæй ифтонг кæныны центрмæ бацæуын.
Уæдæ цы хца бакусынц, уыдон дæр сын хъуамæ цæуой картæмæ – зæгъынц, 18 азы онг кæуыл цæуы, уыцы адæм. Цæмæй сын лыггæнинаг фарстатæ ма уа, уый тыххæй сæ хъæуы æрмæстдæр банкмæ бацæуын. Картæ райсæн та ис 14 азæй.
Хи картæ, цы ныв ыл уыдзæн, уый развзарын, æмæ фæрæзтæй пайда кæнын. Ныр, зæгъæн ис, æмæ хистæртæ цы лæггæдтæй пайда кæнынц, уыдонæй спайда кæнæн ис кæстæртæн дæр. Алы сывæллоны фæфæнды хи фæрæзтæ бакусын, æмæ сын ныртæккæ уыцы фадæттæ арæзт сты. Фæлæ сæйрагдæр у, цæмæй уыцы фадæттæ хорздзинадæй дарддæр мацы рхæссой.
