Нымад æрцыд æрдзон цыртдзæвæныл, фæлæ куыд сси хицæн амалхъом адæмы суардон æмæ дзы хуымæтæг адæмæн сæ бон дарддæр пайда кæнæн уыдзæн,и нæ?
Хилачы æвдадзы доны кой ныр иу мæйы бæрц цæуы социалон хызты. Нымад æрцыд æрдзон цыртдзæвæныл, фæлæ куыд сси хицæн амалхъом адæмы суардон æмæ дзы хуымæтæг адæмæн сæ бон дарддæр пайда кæнæн уыдзæн,и нæ? Ацы æмæ æндæр фарстатæ равзарыныл бацархайдта не сфæлдыстадон къорд.
Алæмæты рæсугъд æрдз, айнæг къæдзæхтæ, кæркæ мæркæ сæрвæттæ, абухгæ цæугæдон æмæ æнусон мæсгуытæ фенæн ис Куырттаты комы. Сæйрагдæр та ам ис Хилачы донгуырæн. Æвдадзы хос кæй у, уый тыххæй фыццаг офицалон хъусынгæнинæгтæ фæзындысты ивгъуыд æнусы астæу. Фæлæ хæстæгдæр хъæуты цæрджытæ рагæй зыдтой æнæниздзинадæн пайда кæй у, уый. Пайда дзы кодтой сæ рагфыдæлтæй нырмæ.
Социалон хызты æрæджы фæзынд хъусынгæнинаг, ома Хилачы дон тагъд суыдзæн хицæн амалхъом адæмы исбон æмæ дзы хуымæтæг адæмæн пайда кæныны бар нал уыдзæн. Инстаграммы равæрдтой къам – йæ хуызмæ гæсгæ у цъай. Фыссынц дзы алыварс хæтæлтæ, стæй дзы бæрæг дарынц техникон кусæнгæрзты фæдтæ. Фыййагдоны бынæттон администрацийы сæргълæууæг Гуыриаты Валерий радзырдта ахæм куыстытæ дзы рæстæгæй рæстæгмæ цалцæр азы дæргъы кæй цæуынц. Суанг ма дзы доны хæтæлтæ дæр сæвæрдтой.
Уый хыгъд ныр Хилачы донгуырæнмæ машинæйæ æнцондæр у ссæуын, стæй дзы техникон кусæнгæрзтæй кæй архайынц, уым дæр æвзæрæй ницы ис, зæгъы хъæуы хицау. Базыдтам ма донгуырæны цур цы кусæнгарз ис, уый кæй у компани «Ариана»-йы исбон. Социалон хызæджы куыд фыстой, афтæмæй ацы компанимæ ис донæй пайда кæнын сæрмагонд æвдисæндар дæр.
Не сфæлдыстадон къорд бацагуырдта информаци компани «Арианæ»-йæ, стæй донгуырæнтæй пайда кæнын гæххæт чи дæтты, уыцы ведомствæйæ. Фæлæ дзуапп райсынæн бахъуыд æнæхъæн мæй. Уыимæ æрдзон ресурсты æмæ экологийы министрад уайтагъд фехъусын кодта, Хилак кæй хауы æрдзон цыртдзæвæнты хыгъдмæ æмæ дзы пайда кæныны тыххæй лицензи никæмæн радтой.
О фæлæ, донгуырæнтæй пайда кæныны тыххæй бардæттæг гæххæтт дæтты æндæр организаци «Роснедра». Уыдон раздæр сразы сты сæ хъуыдытæ зæгъынмæ, фæлæ æрдзон ресурсты министрады комментариты фæстæ сæ хъуыды аивтой. Фæлæ не сфæлдыстадон къорд куыд сбæрæг кодта, афтæмæй дыууæ документы дæр фæзындысты 2008-æм азы. Æрмæст компани «Арианæ» 7 боны раздæр, уымæ гæсгæ Хилачы алæмæты донгуырæнæй йæ бон пайда кæнын у нырма 12 азы. Уыимæ закъон нæ халгæйæ.
Раст зæгъгæйæ компанийы нæ бафæндыд камерæйы цур аныхас кæнын, фæлæ офицалон курдиатæн радтой дзуапп.
-Хилачы донгуырæн нæ сæхгæндзысты
– социалон хызæгты цы цъайыл цæуы ныхас, уый та хъæуы, цæмæй зымæг дон ма сæла æмæ йæ мæрæй бамбæрздзысты.
– Хидыхъусмæ хæстæг, нæлгоймæгты моладзандон кæм ис, уым та сараздзысты сæрмагонд бынат, кæм адæмы бон уыдзæн суардонæй пайда кæнын
Цы у хуыздæр, æрдзы сконд æнæвнæлдæй æви сæ хорзæхтæй хъуамæ адæм пайда кæной. Цы хъуыды кæны уый фæдыл та республикæйы сгуыхт эколог Æлборты Иван?
Æрдзон ресурсты æмæ экологийы министрады æхсæнадон Советы сæрдар. Æхсæнадон палатæйы экологи æмæ æрдзон æвæрæнтæй пайдакæныны къамисы сæрдар
Уыимæ ахсджиаг у æрдзæн зиан ма æрхæссын æмæ домæнтæ куыд æххæст кæнынц, уымæ республикæйы æхсæнадон палатæ дардзæн йæ цæст. Уæлдайдæр та кæд Хилачы дон хаст æрцыд æрдзон цырдтдзæвæны хыгъдмæ, уæд.
